Bozorga borib supurgi tanlash oson tuyuladi, lekin sifatli mahsulotni topish uchun bir nechta muhim mezonlarni bilish kerak. Bu maqolada professional ishlab chiqaruvchi sifatida sizga foydali maslahatlar beramiz.
1. Bog’lash zichligi va mahkamligi
Yaxshi supurgida tola dastasi kamida 3 marta sim yoki ip bilan bog’langan bo’lishi kerak. Qo’lingiz bilan dastani siqib ko’ring — agar tolalar oson chiqib ketsa yoki bo’shashgan bo’lsa, bunday supurgi tezda buziladi.
2. Tola uzunligi va sifati
Sorgo tolalari 40-60 sm uzunlikda va bir xil rangda bo’lishi maqbul. Sariq-yashil rang — yaxshi quritilgan, sifatli xom ashyo belgisi. Qoramtir yoki dog’li tolalar namlik yoki noto’g’ri saqlash natijasi.
3. Dastasi va vazni
Supurgining yaxlit vazni 500-800 grammgacha bo’lishi kerak. Juda yengil supurgi — kamzichlik belgisi, juda og’ir esa — ortiqcha namlikka ega. Dasta uzunligi 80-110 sm bo’lsa qulay.
4. Hidi
Yangi sifatli supurgi tabiiy o’t yoki somon hidiga ega bo’lishi kerak. Qo’lansa, mog’or yoki kimyoviy hid borligi — sifatsiz xom ashyodan tayyorlanganligini ko’rsatadi.
5. Narx haqida
Juda arzon supurgi — odatda kam zichlikda yoki sifatsiz xom ashyodan. Bizdagi narxlar bozor o’rtacha qiymatidan past, chunki to’g’ridan-to’g’ri ishlab chiqaruvchidan sotamiz, vositachilar yo’q.
Maslahat
Agar siz biznes uchun (mehmonxona, oshxona, ofis) yoki ulgurji xarid qilmoqchi bo’lsangiz, bizga murojaat qiling — har bir partiya alohida sifat nazoratidan o’tadi.